Болынбалыкчыда милли йола үтәлде

Болынбалыкчыда балалар, яшьләр белән бергәләп җырлап урамнар әйләнделәр, бүләк җыйдылар. “Сабантуй алдыннан үткәрелә торган традицион сөлге һәм бүләк җыю йоласы бу. Ул бу бәйрәмгә әзерлек ритуалларының бер өлеше булып тора һәм мәдәни әһәмияткә ия. Авылдашларыбыз изге теләкләрен теләп колгага сөлге, яулыклар бәйләп, җырлап, биеп күңел ачты, балаларны һәр йортта төрле тәм-томнар белән каршы алдылар”, - ди клуб мөдире Ләйсән Җәләлиева.