Дзанайты Барис сарӕзта ӕмбырд Цӕгат Ирыстоны æрдзон фæрæзтæй пайда кæныны фарстаты фæдыл. Йæ архайджытæ æрдзырдтой ныртӕккӕйы уавӕрыл ӕмӕ æвæстиатæй уынаффӕ чи домы, ахӕм хӕстыл. Сӕйраг темӕ — ӕрзӕткъахӕнты фӕстӕ карьерӕтӕ рекультиваци кӕнын. Премьер-министр куыд фӕнысан кодта, афтӕмӕй ахсджиаг фарста домы æппынæдзух цæстдард. Дзуапдæттæг куыстуæттæ ӕнӕмӕнг хъуамӕ ӕххӕст кӕной, цы домӕнтӕ ис, уыдон. Абон республикӕйы территорийыл ис 78 лицензийы ӕрзӕткъахӕнтӕ исынæн. Ведомствæты 'хсæн къамис бакуыста æмæ баныхас кодта рекультивацийы æртын дыууæ проектыл. Æрдзон æвæрæнтæм цæстдарды службæйы бынæттон дæлхайад скодта пълан-график алы зӕххы хайы мӕры зиан сбӕрӕг кӕнынӕн ӕмӕ йын аргъ скӕнынӕн. Мониторингӕн спайда кӕндзысты сӕрмагонд лабораторийæ. Дзанайты Барис æрдзон æвæрты министрадæн бабар кодта районты сæргълæууджытимæ иумӕ ацы къабазы сӕ куыст дарддӕр кӕнын.