«Теләкләр чыршысы» акциясе кысаларында, "Болгар радиосы"нда нәни кунак Варвара Василова.☺️

Бөтенроссия «Теләкләр чыршысы» акциясе кысаларында, "Болгар радиосы"нда нәни кунак Варвара Василова.☺️ Варварага 8 яшь, физик мөмкинлекләре чикләнгән булуга карамастан,ул актив һәм кызыксынучан, рәсем һәм математика дәресләрен ярата, музыка мәктәбенә йөри һәм йөзү белән шөгыльләнә. Яңа ел алдыннан Кыш бабайга балалар телеканалы һәм радиостанция белән танышасы килүе турында язган. Тылсымлы чыршыдан аның хатын Татарстан Республикасы Рәисе Администрациясе Җитәкчесе Әсгать Әхмәт улы Сәфәров алды.? Варвараны «Болгар радиосы»ның Башкарма директоры Илфар Илдус улы Кәримов, «Болгар радиосы» алып баручылары һәм хезмәткәрләре каршы алды. «Болгар радиосы» нәни кунагыбызны радиостанция эшчәнлеге белән таныштырды.??