Регионты 'хсæн 18-æм скъола-конференци цæуы Дзæуджыхъæуы. Æрыгон ахуыргæндтæ æппæт Цæгат Кавказæй æрæмбырд сты, цæмæй сæ фæлтæрддзинадæй кæрæдзийæн фæхай кæной, базоной наукæйы райрæзты ног гæнæнтæ. Мадзал цæудзæн 30 июны онг. Программæйы лекцитæ, дæсныйадæвдисæн ахуыртæ, семинартæ. Культурологи, археологи, социологи æмæ æндæр къабæзты раззагдæр гуманитаритæ радзурдзысты сæ куысты æнтыстдзинæдты тыххæй, парахат кæндзысты сæ зонындзинæдтæ. Сæйраг нысан — æрыгон специалисты рæзтæн æххуыс.